Os días 15, 16 17 e 19 de xaneiro, o alumnado de 2º da ESO participou nun obradoiro de sensibilización para traballar actitudes, valores e comportamentos
democráticos e para a igualdade a través de diversas técnicas.
Abordaron conceptos como: discriminación, igualdade, migración, dereitos e
deberes; analizaron a situación das migracións;
traballaron sobre experiencias reais de persoas migrantes que residen en
Galicia a través de material audiovisual; e, por último, a través dun role-playing revisaron os
propios estereotipos. O aproveitamento desta actividade quedou patente, dado
que sacou a luz a presenza de estereotipos
racistas nunha parte do alumnado integrante, quen, durante a presentación audiovisual de
testemuñas reais, verbalizou expresións
inapropiadas que debemos, entre todos, modificar.
O Obradoiro correu a cargo de Pilar Fernández Fernández e Candela Rodríguez Búa da Asociación Arraianas
de Santiago.
Comentarios
Publicar un comentario