Hoxe os alumnos e alumnas de segundo da ESO tiveron un obradoiro a cargo de
Alba Fernández da empresa Exeria, no que traballaron a prevención do acoso
escolar.
É un programa de intervención socioeducativa que tenta abordar este
problema a través das súas características, consecuencias e alternativas, cunha
serie de actuacións específicas que se realizaron en formato grupal para toda a
clase. Durante o desenvolvemento desta actividade, da que foi protagonista o
alumnado, a través de varias dinámicas, puido expoñer e debater sobre as
diferentes vivencias acontecidas no seu período escolar.
A prevención do acoso escolar é crucial para garantir espazos seguros, así
como un correcto desenvolvemento académico e social.
Comentarios
Publicar un comentario