Outra actividade coa que celebramos este curso o Samaín foi un circuíto de xogos populares! A tarde do martes 29 de outubro desfrutamos dos enredos cos que se xoga en Galicia desde tempo inmemorial e que seguen sendo un divertimento espléndido!
Moitos dos xogos eran coñecidos e, en moitos casos, aínda están de plena actualidade: a corda, a comba, as carreiras de sacos, os birlos... Outros xa se perden algo máis na memoria pero foi moi divertido recuperalos: os paus, a botella, a chave, a ferradura, a ra...
Os mozos e as mozas de 1º e 2º de ESO pasárono en grande xogando e aprendendo cultura tradicional. Quedaron ganas de repetir a xornada noutra ocasión!
Comentarios
Publicar un comentario