Visita artística a Santiago de Compostela

O martes 5 de novembro de 2024, o alumnado de Historia da Arte de 2º de Bacharelato realizou un percorrido pola paisaxe artística urbana de Santiago de Compostela. Coa guía do seu profesor de arte, Fran Pérez Boo, puideron apreciar as xoias do patrimonio arquitectónico compostelán.

O percorrido comprendeu, desde as manifestacións románicas, renacentistas, barrocas e neoclásicas, ata as propostas máis vangardistas da actualidade, o que permitiu ao alumnado analizar a evolución da cidade desde o punto de vista artístico.