Concerto no Auditorio de Santiago

 

O venres 7 de febreiro o alumando de 3º e 4º de ESO de música tivo a oportunidade de escoitar a Real Filharmonía de Galicia baixo a batuta do director Sebastián Zinca, no Auditorio de Galicia de Santiago de Compostela. A proposta didáctica, co título PREGUNTAS SEN RESPOSTA? Incluíu no programa a música de Charles Ives: The unanswered question. Dimitri Shostakovich (Arr. Barshai): Sinfonía de Cámara, Op. 110 a, 2º e 3º movementos. Gustav Mahler: Sinfonía núm. 5, 4ª movemento Adagietto. Ludwig van Beethoven: Sinfonía núm. 5, 1º movemento Allegro con brio.

 

O concerto pretendeu ser una viaxe individual e colectiva de crecemento e descubrimento a través da ollada inconformista de diversos compositores. Quere amosar como Ives, Mahler, Beethoven e Shostakovich crearon a súa propia linguaxe para expresar, coas súas ideas musicais, a preocupación sobre temas existenciais que teñen que ver coa natureza do ser humano e coa súa relación co cosmos. Que é o tempo? Cal é o propósito da existencia? Que é o amor? Que nos sucede ao morrer? Como se pode expresar isto a través da música? Na inmensidade da creación, unha pregunta poderosa ten unha capacidade transformadora.


 

Comentarios