Maxia en inglés no IES Camilo José Cela

Os grupos de 3º A e B na materia de inglés recibiron unha  visita máxica o martes 8 de abril: Elisa e Ian Hamilton, unha maga e un mago que presentaron un obradoiro de maxia e realizaron distintos trucos diante do alumnado. 

A actividade desenvolveuse íntegra en inglés e o alumnado participou moi activamente. As barreiras idiomáticas tan temidas a priori pola rapazada desapareceron grazas á motivación e as características da propia actividade. Os participantes foron ademais agasallados cunha baralla de cartas voadoras.