Levamos ao alumnado de Latín, Grego e Cultura Clásica do IES: 4º de ESO B e PDC; 1º BAC B e 2º BAC B. O profesorado acompañante foi o Xefe do Departamento de Latín, José Luis López, e mais Xoan Santaló (Dpto. De Xeografía e Historia).
Pola mañá asistimos á representación dunha traxedia grega, unha excelente representación da Medea de Eurípides, e pola tarde a unha comedia romana, Cásina de Plauto, nunha divertida e moi actualizada versión.
Entre as dúas obras tivemos dúas horas de tempo libre para comer. E ao recollelos fixemos con eles un pequeno percorrido pola muralla.
O comportamento do alumnado foi moi correcto e sempre foron moi puntuais. Do mesmo xeito, a valoración da actividade é moi positiva, tanto pola calidade das representacións en si mesmas como polo feito de achegar o teatro a alumnado do ensino medio, que non accedería ao teatro grecorromano (berce do teatro universal) doutro xeito.
Comentarios
Publicar un comentario