No obradoiro “Toca Toca” sobre invertebrados, o alumnado de 1º da ESO achegouse de forma práctica ao mundo destes animais. Coñeceron os catro grandes grupos de artrópodos (insectos, arácnidos, crustáceos e miriápodos), aprendendo a identificalos e as súas características principais.
Tamén comprenderon a súa importancia nos ecosistemas, polo seu papel na polinización, na descomposición da materia orgánica e no equilibrio das cadeas tróficas.
O contacto directo permitiu, ademais, superar medos iniciais e fomentar actitudes de curiosidade, respecto e valoración da biodiversidade.
Comentarios
Publicar un comentario